Wq/tn/Linah Mohohlo

Linah Mohohlo

Linah Mohohlo ka ngwaga wa 2011

Linah Kelebogile Mohohlo (o tshotswe ka kgwedi ya Tlhakole e tlhola malatsi a le lesome le boraro ka ngwaga wa sekete makgolo a robabongwe masome a matlhano le metso ele mebedi(1952) mme a tlhokafala ka kgwedi ya Seetebosigo e tlhola gabedi ka ngwaga wa dikete tse pedi masome a mabedi le motso (2021) e ne e le mobanki wa Botswana le mokanseliri wa mma dikolo. E ne e le Molaodi wa Banka ya Botswana go tloga ka ngwaga wa sekete makgolo a robabongwe masome a robabonwe le metso e robabongwe(1999) go fitlha ka ngwaga wa dikete tse pedi lesome le metso ele merataro( 2016). E ne e le mosadi wa ntlha go dira jaaka Mokanseliri wa mma dikolo wa Botswana, a direla go tloga ka ngwaga wa dikete tse pedi lesome le metso ele supa (2017) go fitlha ka ngwaga wa dikete tse pedi masome a mabedi le motso (2021).

Dikinolo

• "Fa o itebaganya le dikgwebo tse di potlana("SME's") ke jaaka o itebaganya le basadi ka gore ke gone kwa ba fitlhelelang lekalana la kgwebo teng."
  • https://twitter.com/wef/status/426646825479983104World Economic Forum, 24 January 2014
• "Go builwe gotwe kgang ya mongwe le mongwe ga se kgang ya ga ope. Se ga se boammaaruri mabapi le ntshodikuno; eleruri ke kgang ya mongwe le mongwe."
  • https://www.bankofbotswana.bw/sites/default/files/speech-documents/productivity-week-dance-october-25-2001.pdf(October 25, 2001)
• "Motswedi o o tsewang o le botlhokwa thata ke batho ba rona mme, fa boitekanelo jwa bona bo ka senyega, ntshodikuno le botswerere di tla nna dintlha fela tsa go bua mme e se maikaelelo a a ka fitlhelelwang."
  • https://www.bankofbotswana.bw/sites/default/files/speech-documents/productivity-week-dance-october-25-2001.pdf(October 25, 2001)

"In On the Ground Floor" (December 2004)

https://www.imf.org/external/pubs/ft/fandd/2004/12/pdf/people.pdf, Finance & Development (December 2004)

• "Ga ke sa tlhola ke dira dikgakololo; di fetisediwa kwa go nna ebile ke tshwanetse go dira ditshwetso tsa bofelo kwantle ga go okaoka. Ga ke kgone go diega ka gonne ditshwetso tse di dirwang kwa bankeng ya bogareng di tshwanetse go nna tse di tlhomameng ka gonne di ama setšhaba sotlhe—bahumi, ba ba sa humang jalo le bahumanegi.''
• "Re tshwanetse go tswelela go gogela dipeeletso tse di tlhamaletseng tsa kwa ntle ga lefatshe go thusa go tlhagisa metswedi e mentsi ya lotseno lwa matlole.''
• "Pholisi ya go tlhagolela di-kgwebo tse di potlana e ka thusa go tlhamela itsholelo ditiro."
• "Ga ke akanye gore ope yo o batlang go atlega—monna kgotsa mosadi—o tshwanetse go tlhoma mogopolo mo dikgoreletsing ka gonne o tla di bona fa o di batla, mme nna ke ntse ke tshwaregile thata go ka fetsa nako ke batla dikgoreletsi."